文章分類: 第一天開始的愛 (東東楠楠~愛回家~)

東東楠楠的美好回憶126

joyce_lym — Tue, 03 Jun 2008 22:49:45 +0800

我只能方法二
另一個餵藥方式，就是你徒手將藥丸拋入牠的喉嚨
然後快捷合埋牠的口，用手在牠喉嚨位置向下掃

因為東東係一隻污糟貓, 佢可以容忍手腳係污糟的, 平日都係多得楠楠照顧同佢清潔, 佢D毛毛先白D. 所以到現在我都好慶幸東東係同楠楠一齊比我領養.

因為我得帶佢睇醫生的小籠, 如果困住的話,我相信我一定心軟....

其實都餵到藥, 只係要長時間D, 好彩一日只係餵一次.

東東楠楠的美好回憶125

joyce_lym — Tue, 03 Jun 2008 22:48:58 +0800

楠楠嗲嗲精
不知從那天開始,楠楠多左用說話同我地溝通. 每朝早一開門,楠楠會沖過o黎一邊hihi腳一邊說"早晨~"
我攞手袋楠楠開始大叫, 好似話"你又返工唔陪我玩啦~ " 呢一刻佢已經一支箭沖左去門口阻擋住. 如果抱佢返sofa佢都會走回門口!
我一穿鞋楠楠行動升級, 反肚"殿"地跟住又叫"我係咪好可愛呀, 陪我玩啦 ~ ". 一抱佢起身仲咕咕添
呢個時候我會講"mama 唔返工你無罐罐同餅餅食的啦, 乖啦", 今日我改左口講"mama 唔返工無錢醫你大佬, 你記得叫佢一定要食野,知道未?"
跟住抱佢入房交比瞓未醒的baba 抱住, 我可以安心出門口. 日日出門口都要同楠楠搞一輪, baba 昨日出門口用左10分鐘先出到.
佢噤嗲嗲, 其實又好心甜呢

>>>>>>>>>

東東見完醫生啦
結果係身體正常過正常 [dr. 仲話佢係fit fit 貓] 只係牙肉有小小的發炎, 但不足以令佢牙痛唔食野!
唔食野可能係1) 口味改變 2)貓大左唔食噤多野 3)佢發育拉镸左
我連佢的至愛罐罐都出動左, 佢係好以人牙痛噤. 個口側住一邊食, 又一路食一路跌d魚魚.但佢又係好明顯係想食的. 所以我相信牙肉發炎的影響多d.
發育又有可能, 又好似係镸左d喎所以dr. 比左d消炎藥佢
都好身體正常, 但如果體重再輕的話要去check 血啦

now 東東體重係 4公斤我差d唔記得講今日比我boss & DR. 笑東東無鬍鬚 dr. 重用d好奇異的眼神睇住我. 嗚嗚...我無剪東東鬚呀信我啦

>>>>>>>>>>

與東東決戰
上次食"道"虫藥已經係唔係好食道, 不過係防止生虫的, 又不太緊要所以無再夾硬要佢食哂.
今次呢d係消炎藥所以一定要食哂. 我同baba 由廁所餵到出廳, 餵到第4次先食到. 其間東東慘叫, 連楠楠都叫. 楠楠你估我想的咩, 我都好慘o架差d比你大佬咬.

一食完藥立即安撫東東比d魚粒粒佢食. 平時我抱佢上床,佢好開心架昨晚走都走唔切.
但個死仔包玩"佈服", 昨晚 3點叫叫叫, 佢想入房!! 佢入房我都瞓唔霖. 結果佢間唔中大叫, 今日我完全係一隻熊貓囉

東東楠楠的美好回憶124

joyce_lym — Tue, 03 Jun 2008 22:47:08 +0800

嘩~ 未出發(我5月去東京)先興奮..... 東東要去睇醫生!!

呢幾日東東都唔多食野, 但一比魚柳柳, 鮮蝦佢就食食. 我以為佢咀刁. 到今日罐罐日, 佢唔多食到野, 重要好明顯側住一邊食.
佢牙仔有問題!! 平日唔洗10分鐘食完的罐罐, 今日用左半個小時. 好肉痛東東呀!!!
東東要乖豬d, 明日mama帶你去見醫生, 你好快會好返的.
今次的醫生又唔同上次的, 今次係dr. alison 希望今次個翻譯好d啦, 之從上次個翻譯好有問題, 我都無信心見d 老外醫生. 只能怪自己英文唔好

>>>>>>>>>>>>

楠楠都係睇 mancy 睇都幾好, 但呢幾日佢唔係得夜疹,一係放假~ 計平日收費時段得星期日先有, alison 貓友都話唔錯, 所以去睇左先
我又有銀包嚴重乾硬化呢個世紀絕症, 如果唔係我都會睇夜疹. 現在貓地+人的野都勁加.人工又未加, 我好想大叫 "我好窮呀" , 但睇完無記的一百萬人的故事, 原來我都好幸福

東東楠楠的美好回憶123

joyce_lym — Tue, 03 Jun 2008 22:45:00 +0800

今早楠楠累街坊
本來我起身放左東東楠楠入房, 點知楠楠得閒無事做又走上冷氣機
baba 起身"的"楠楠出去時, 連帶瞓baba 大肶的東東都比baba"的"出房(注: 昨日東東抱住baba的小腿咬住瞓, baba 已經話今日唔好比入房瞓, 不過我靜靜放左佢入去)
我在整理東西時, 東東離遠八掛, 個一刻好似佢細個仔時的樣. baba 話因為佢瘦左囉. 唉~東東大人唔好再瘦啦, 要減肥的係mama唔係你呀, 你快d肥番啦! 唔係唔襯肥仔東呢個花名的啦

>>>>>>>>>>.

東楠怕打風
星期6打3號風球, 楠楠都無去佢最愛的窗台位看風景. 只在廳坐坐瞓瞓.
突然間有風吹的woo woo 聲. 2個傻豬走左去摺椅底做躲躲貓
我見到比佢地笑死, 傻貓黎的. 要躲都去sofa底啦~ 之後我抱住東東話你唔係流浪貓
下大雨都唔洗驚, mama起到, 有咩野事我都同你頂住

>>>>>>>>>>

星期日早上例放東東入房同我瞓一陣. 東東豬用個身貼住我的心口, 頭做瞓左我手"肶". 我另上一隻手掃下佢的頸位, 雙擁而睡場面温馨~
結果係.... baba 呷醋唔抵得我只抱住東東瞓東東如果呢幾日你baba成日整估你, 你要原諒baba 啦, 因為你擁有mama給你的特別寵愛

東東楠楠的美好回憶121

joyce_lym — Tue, 03 Jun 2008 22:44:51 +0800

動物傳心結果

1)楠楠點解要拔東東D鬍鬚?
答: 係同東東玩, 東東又無投訴. 玩.....拔鬚鬚係玩. 呢個答案我諗都無諗過, 原來係噤

2)請佢唔好拔鬍鬚呢!
答: 叫左唔好啦

3)楠楠同媽媽玩唔可以出抓+咬,媽媽會受傷的
答: 叫左唔好, 不過剛才我又中招傳心師話佢比人的感覺係好奇心重的貓貓, 比較活潑(我的想法活潑=頑皮)

4)東東可唔可以等MAMA的鬧鐘嚮(BI BI 聲的)先叫呢, 唔好下下太陽出就叫.
答:叫左有光唔好叫住啦

5)東東點解唔喜歡比BABA 抱?
答: baba 抱得唔舒服,傳心師同佢講會同mama講教baba點抱

6)掃毛毛, 玩貓貓棒 , 在床上MAMA 同東東傾計 , 東東喜歡我跟做那一個多D?
答: 玩貓貓棒 , 好啦, 我盡量同你玩多d啦! 傳心師話東東比人感覺係文靜d

我問傳心師佢地有無投訴, 佢話無~ 好野, 以我黎講無=快樂小喵喵. mama 希望佢地永無投訴做隻快樂小喵喵

東東楠楠的美好回憶122

joyce_lym — Tue, 03 Jun 2008 22:44:46 +0800

昨日回娘家吃飯, 婆婆留左半條魚+2隻蝦比佢地. 佢地食地不知幾開心
佢地都好奈無食新鮮魚囉, 鬼咩要挑骨真係挑到眼到濕
我都係挑好先拿回去, 回到家挑東東又會破門了
>>>>>>>>

東東大整估
今日東東都唔知搞咩野, 一早4:00 叫叫叫要人房瞓, 我出左房鬧鬼佢, 我回房佢又叫過
好啦唔理佢夠鐘起身, 到我起身佢仲叫緊.... 唉長氣精, 我又再鬧過+打PAT PAT 我要入房換衫時
東東一支箭沖上床, 而床上的落腳點正正是BABA 的肚腩, 東東都有4公斤加上飛身上床的沖力.... BABA大叫好痛~~ 可憐的BABA 又中招

>>>>>>>>>

我今日轉左用我簽名相個2張相做wallpaper, 我同同事的無聊對話
同事: 依~ 呢個係細佬呀 (指住楠楠)
我: 係呀
同事: 一睇隻眼就知精靈D
我: 因為精靈D, 所以咪頑皮D囉~ (我經常講楠楠D"乖"野)
同事: 大佬個樣好忠忠直直
我: 哈哈~忠忠直直總須乞食, 佢係一個呆直青年

東東楠楠的美好回憶120

joyce_lym — Tue, 03 Jun 2008 22:42:02 +0800

我食木瓜時東東已經想搶. 好啦我壓榨左, 放入佢隻碟碟. 楠楠豬過來食時. 東東又FEE FEE 楠楠啦.
我地打算問東東喜歡食那一隻零食(因為隻隻佢都搶住食) 我同BABA 話東東可能話比人知最喜歡係木瓜

>>>>>>>>>

喎比楠楠鬧

事原喎洗完白白無帶眼鏡的關係, 唔小心踏到楠楠條尾尾. 我feel 到係有毛的時候已經立即收腳
佢成分鐘係噤鬧我但唔見佢舐下條尾尾, 我又呵呵佢條尾尾, 佢又無反應~應該唔痛囉
佢應該係話我, 叫我下次小心d掛, 又咋下嬌噤啦
都係我唔好的, 下次會小心d的啦, 楠楠大人

>>>>>>>>>>>>>

我無地位啦

婆婆昨日上來, 話本來要買木瓜但太忙唔記左, 我以來佢係買比我食啦
點知呢個說話係咪說完的... 下次我會記得買比東東楠楠食的啦~
我車... 重以為買比我食. 無啦~ 我無地位的啦婆婆只係想買比你地食咋
我都係痴你地先有得食, 呢2個刷鞋精真係得婆婆歡心.

東東楠楠提早收生日禮物

昨晚婆婆上來, 我們百X買水果(無錯又係木瓜)見到禮品包 12罐罐+餅餅都係60大元. 噤買啦
上來時我話: 東東楠楠5月5日生日!
婆婆: 你有知
ME: 佢地有契MA 跟的, 所以知佢地生日, 佢地唔係孤兒仔~ 呢個係佢地的生日禮物
婆婆: 噤呢個我比啦, 我送比佢地做生日禮物啦

上到屋企佢地又係記得婆婆, 又是做刷鞋精. 佢地昨日食得勁囉.
1)罐罐 2)小食 3)木瓜
呢2隻豬仔真係幸福喵地, 噤多人鍚佢地, 連嫲嫲都話買玩具比佢地
佢地的貓生, 都不比人類的小孩子差, 一樣有噤多人愛鍚的

東東楠楠的美好回憶119

joyce_lym — Tue, 03 Jun 2008 22:40:05 +0800

東東發皮4

今早東東大帝如常6:00叫開門, 我開比佢之後上床再瞓, 唔夠一陣個死仔包又叫開門出去之後佢又在門口大叫"喵喵喵, 開門呀mama "
我唔開門無理佢, 東東居然撞擊廚房bon bon bon   baba 出去睇以為佢隻玩具入左去, 點知無玩具入左去
只係東東想引我地注意之後起身我唔比佢入房, 點都要教下佢唔可以撞擊廚房. 東東豬佢黑面呀
個貓樣好似好憎我.好明顯佢嬲我唔比佢入房啦
我一於唔理佢入房汁野返工. 東東等我唔為意跳左上床, 我捉佢走時, 東東死抓住張被, 好搞笑算啦baba起房, 我又夠哂鐘, 結果係.... 東東抱住baba條肥腰再瞓過

>>>>>>>>>>>>>>

東東: mama 我最喜歡入房瞓的啦, 唔比我入我會嬲嬲o架

baba 話我拍到東東好似AV女優相

東東楠楠的美好回憶118

joyce_lym — Tue, 03 Jun 2008 22:39:43 +0800

2人1咪對話

昨晚baba拿湯匙出來食飯,那隻湯匙通常我用來弄開罐罐用. 為食東東認得!! 以為有得食,大大聲的咪咪叫
baba 跟住話"baba 等陣開罐罐比你食啦 " 我先食完坐定定睇獎門人. baba 未食完,叫我去開左先
東東過來細細聲叫我. 我話"等賣廣告我去開啦". 東東居然......
走去"了"放罐罐的櫃, 跟住望住baba. 東東即係吹佢去開啦. 係囉, baba 話開比你, 你吹佢就 arm 啦
baba 走去吹我"你睇吓東東做d咩野, 佢等緊你呀"
唉... 乖仔,睇你份上立即去開啦. baba 去拿罐, 我去拿佢地碟
baba拉開罐罐之後比我. 我入廁所整啦. 東東重係跟住baba 叫
baba 話"我比左罐罐mama 啦, 你去找mama 啦" 東東又跟住找我啦
所以話呢, 東東豬聽人話又進一步, 之前都唔知佢會識噤多人話

>>>>>>>>>

又偷食

昨日回家已經見到有半包雞乾乾又偷食左! 仲有半包留下. 有一條比佢咬左一半可能太大件食唔到.
我見到唔好浪費斯細d比東東食左佢, 點知個死仔包唔食! 你話佢食到幾飽呀.

我訂的沙沙同罐罐昨日送到, 當我收好罐罐時, 東東居然明目張胆偷魚柳柳. 成包拉左出黎!
雖然包魚柳柳唔見有牙洞, 但我怕真係有穿我見唔,變左又浪費. 所以益仔仔食左佢.

送罐罐的同時比左D 天然糧TESTER, 我昨晚開左比仔仔, 我都有試食(做MAMA 要身先士卒)
天然糧...真係好難食.... 佢地2個碟一個有小小佢地食開的RC(佢地多出的午餐) , 一個係天然糧(平日晚餐份量)

今早的結果係....雞乾乾再偷食~連半包都無左, 佢地洗左RC隻碟, 連地下佢地食到一地係的餅碎一粒都無.

>>>>>>>>>>>>>>

Mayling924 寫到:

睇來你要搵過個放零食的地方la!

我有另一個小食櫃放的, 只係個日懶放左去玩具櫃(因為有多次爆格記錄,所以用膠紙貼住), 點知膠紙破左~BABA 以為得玩具由佢地玩, 我又放未食完的入去,我又唔記得貼番,所以比佢地有機可成,連環爆格
係我唔好~引誘佢地爆格又吸草做壞孩子

東東楠楠的美好回憶117

joyce_lym — Sun, 01 Jun 2008 19:55:42 +0800

今係佢地呀媽我生日
噤點都要問下d仔仔有咩野表示, 東東一12點送左d 金比我啦, 我叫baba 接收左
我問下楠楠 : 你有咩野表示呀? 不如你錫我一啖啦
楠楠: ... 用手推面, 之後仲一口咬左啖
仔~ 你送檸檬我食呀, 我唔製呀!!!

東東楠楠的美好回憶116

joyce_lym — Sun, 01 Jun 2008 19:53:46 +0800

東東豬真係好喜歡入貓奴房瞓, 今日baba 去洗手間時靜靜雞入房. 我以為係baba 比佢入房,所以打開張被比佢入去瞓.
唔知點解佢次次選好位置瞓時. 如果在我們的身旁, 佢都會先咬一啖, 提你佢起你的身旁咪轉身整到大少
今日熱熱地大少又走出被面瞓. baba一醒見到東東在,嚇一跳~ 因為佢都唔知東東入左房

>>>>>>>>>>>>

東東的叫聲
mama 的工作係有關的聲音的, 唉~~ 近日要用d貓叫聲,噤我咪找左d囉, 可愛d的又要confirm個隻係真貓唔要人扮....
我點鬼知果個係人定係貓ja~ 你唔比貓地天生麗質, 叫到噤嬌俏咩
結果係... 今日回家罐罐日, 罐罐一出東東一定叫到拆天. 我咪錄起佢囉. 噤我咪有得交差, yeah!!
一有人問係咪真貓, 我可以好大聲噤話 " 係真的, 呢把靚聲咪係我可愛的東東把聲囉~ "
估唔到東東都會工作上幫得手. 好啦東東今日份多d比你啦~
可能有人問點解唔用楠楠? 因為楠楠叫到唔似貓囉,又無尾音, 比d想像真係好似狗扮貓的...

>>>>>>

佢地2兄弟好相親相愛, 但D相好有情侶FEEL (用手機影的)

東東楠楠的美好回憶115

joyce_lym — Sun, 01 Jun 2008 19:52:42 +0800

有日睇電視,講點樣訓練d狗仔做動作. 養貓地o既我, 唉~ 係東東楠楠呢2個主人訓練我地就真.
1)早睡早起身體好: 主人早上一開始天光便叫~ 叫貓奴開門比佢入工人房(即係我間房)瞓!! 開始夏天主人由6:30 叫提早6:00 叫
2) EQ提升: 話過佢n 噤多次唔準上冷氣機位,污糟糟唔好上, 當我死的彩你都傻
3) 要有手尾: 用完o既野要收好, 一唔放好主人會當玩具, 地下見
4)服侍週到: 見東東主人咪咪咪, 要留意下佢想你同玩定想食食或是掃毛毛. 做唔好或是唔做一律咬腳腳(細細力唔出血的)
呢個位主人都會比d甜頭我, 會high 腳腳. 上床時會叫在睡中的baba 早晨. 間中比我錫錫我會努力做好呢份工的

>>>>>>>>>>>>

少楠之 " 微笑 " Part 1

-------------------------------------------------------------------------------------
少東之 " 步走 " Part 1

東東楠楠的美好回憶114

joyce_lym — Sun, 01 Jun 2008 19:51:31 +0800

東東: 我都巧俊俏o架

>>>>>>>>>>>>>>>

傻仔東被困廚房記

事發時間:星期六凌晨3:00左右
人/貓: mama,傻仔東, 喪楠

我瞓瞓吓聽到有貓沖擊個廚房門(注:買佢怕已經安左個鎖)我無理佢安心覺覺豬.
點知佢地沖擊左好奈都唔停,我咪出去睇吓咩野事. 見到楠楠自己一隻在門口
我咪鬧鬼楠楠問佢搞咩野. 點知呢個時候廚房內在野沖擊出黎. 嚇死我, 第一時間想起有老鼠
點知我發覺唔見左東東, 此時東東在廚房門"la" 申左小小的口出來. 原來有隻爛玩貓入左去出唔番黎!!
唉~~ 佢老豆瞓到死豬噤, 唔係mama 發覺, 東東成晚在廚房.
我話比baba 知佢都唔信東東入到去. 我示範比佢睇就知到點入.要好大力先得的. 我估個傻仔用力入到d又入唔哂, 夾住左唯有向前沖.
現在爛玩貓整傷手指公, 請問有咩野可以同貓消毒

>>>>>>>>>>>>>

傻仔東已經整傷手指公(依我所見應該係爆甲), 昨晚用綿花+水同佢抺下. 有結焦. 所以都唔會用力, 可以抺的地方都抺下
傻仔東又唔知阿媽肉赤屎, 佢自己當無事發生過, 係噤跑跑跳跳
今早發現佢上左去書櫃頂玩!! 比佢激屎人啦~~ 一個痛用唔到力抓唔住會跌死死o架正一死仔包

東東楠楠的美好回憶113

joyce_lym — Sun, 01 Jun 2008 19:50:24 +0800

傻豬東東有個習慣由細都大都無變過, 就係有好食的野會擔開落地食
昨日ot做到嘔泡, 回家開罐罐比仔仔食, 掃下毛毛. 完成貓奴工作, 開始做下自己野,食水果
食木瓜分左D比東楠食東東個死仔包拖落地下食結果要拖地收場東東多謝你提醒我幾忙都要清潔家居

>>>>>>>>>>>

撻地
自從楠楠學左東東個招撻地扮可愛之後. 不停的撻地,佢知道一撻地我地會掃佢毛毛理佢
有次baba見到我出房,佢做跟尾貓, 我又唔知佢住我出去. 佢起我後面撻地我都唔知. 要baba叫我向後望才知
現在日日出門口佢總撻地3,4次. 楠楠唔喪的時候,其實真係好可愛

>>>>>>>>>

東東豬
今早我去完洗手間再瞓. 東楠已經等緊我. 東東先入房, 我在門口掃下楠楠毛
東東行出黎叫我, 喵左一聲 "好入房瞓啦" 我一入房佢先跳上床

今日我同佢BABA都要返工, BABA先起身. 到我要起身的時間. BABA 同東東說: 去叫MAMA 起身啦~
東東佢真係走過黎喵喵叫. 東東真抵錫.

東東楠楠的美好回憶112

joyce_lym — Sun, 01 Jun 2008 19:49:22 +0800

楠楠: 我係咪好靚仔呢

呢張係我同婆婆的合照. 你地睇下東東. 你話婆婆點會唔錫佢呢,東東噤乖瞓大肶

>>>>>>>>>>>>>>>

楠楠近日已KO左個污衣袋, 新的貓草老鼠已經破相,領養日的貓草波波已經走線(都好証明佢都有玩下 )
自從佢識爆格之後, 日日都去爆格, D小食我一早轉左位(怕左2位大帝 )
只係放D玩具, 算啦, 反正都係買佢玩, 自己去攞黎玩啦(次次都見到我個DIY絲帶捧在SOFA我都好開心佢地比面 )
今日寵物展,等我入下貨先

>>>>>>>>>>>>

唔知天氣的錯定係開迷幻 party的錯
東東自從自己一隻貓食哂大半包魚乾乾之後佢唔多食野瘦左好多, 肉痛屎喎啦
但佢又好精神無病無痛喎. 對小食/罐罐同平日一樣追住食
可能佢咀叼啦. 死食包我唔會就你o架. 一個星期有2日罐罐重唔like呀

東東: 唔該mayling姐姐幫喎媽媽買魚柳柳 , 喎會食多d~食多d
(我隻手咪比隻衰豬東東抓到, 因為佢做錯事,我捉住佢鬧鬧, 個死仔轉身逃走抓到)